حب في هذا الزمن

حب في هذا الزمن

صدك تقبل حبيبي لغيري هسة اتصير
وصدك مليت مني وبعد متحبني
صدك هانت عليك سنينه الحلوات
وماهانت عليك شلون تتركني
من يمتة المذاهب نحسبلها حساب
ومن يمتة الطوائف جانت تهمني
انه لمن عشكتك ماسألت الناس
ولاجنت ادري اصلك سني لوشيعي
شمالك تغيرت وبكلبك انت شصار
جنت اتموت بية وتحبني
وجنت اتنفسك وانت الهوى بدنياي
وجنت لوتبتعد لحظات.تخنكني
معقولة الورد ينكر جميل الماي
انت بهالسهولة اتنازلت عني
ماانكر..قصرت اجت فترة وياك
لكن موبيد الوكت يجبرني
شفت يمك نفط وبين ايديك ماي
واني بناري اشتعل ردتك تخلصني
لكيتك بالعكس مايك شمرتة بعيد
وجبت النفط بيدك حتى تحركني
شسولفلك بعد ؟طعم السوالف راح
ردت منك توافيني وخيبت ظني
ادري الوكت هو الي خله كلبك هيج
وادري الطائفية الباكتك مني
بل لتبتعد عندي سؤال ارجوك؟
فكر وية روحك وعود جاوبني
باجر لومتت وتشوفني بتابوت
هم تبجي عليه وبعد تذكرني؟